Нұр-Отан партиясы бұдан былай жоқ. Нақтырақ айтсақ, бүгіннен бастап партия атауы «Аманат» деп өзгертілді. Бұл ұсынысты Мәжіліс спикері Ерлан Қошанов ұйымның кезектен тыс сьезінде мәлімдеді. Сондай ақ, партияның атқарушы хатшысы әлеуметтік желіде жаңа логотипті таныстырды. Бұрын Нұр Отан көк түсті пайдаланса, Аманат жасыл түсті құп көрді. Логотипте Қазақстанның картасы да бейнеленген.
Қаңтар оқиғасынан кейін кейін елде басқарушы «Нұр Отан» партиясына сын күшейді. Митингтерде кейбір белсенділер билік екі ай ішінде саяси реформаны бастамаса, қаңтар оқиғасы қайталануы мүмкін екенін ескерткен. Ал 28 қаңтарда президент Қасым-Жомарт Тоқаев партия төрағасы болып сайланып, оның жұмысын түбегейлі өзгерту қажеттігін айтқан еді. Өзгеріс партияның атауынан басталды. Аманат сөзі айрықша мәнге ие деген мемлекет басшысы бұл атауды бірден қолдады. Сондай ақ, ол партиядағы қағазбастылықты, бюрократияны сынап, одан бас тарту керек деді.
Қасым-Жомарт Тоқаев – ҚР президенті:
«Партия популизмге берілмеуі керек және қолдан келмейтінді уәде етіп, сосын қажетті сандарды талап етіп премьер-министр мен оның кабинеті мүшелерін айыптамауы керек. Осылайша, күмән мен халықтың партяға деген сенімсіздігі туады. Мұның бәрі – көзбояушылық».
7 бағытқа басымдық берген партия халықпен кері байланыс орнатуды алғашқылардың бірі ретінде қабылдаған. Одан өзге, ауыл жастарына арналған «Өрлеу» жобасы да іске қосылады. Ал партияның Түркістан облыстық филиалы жаңа бағыттағы жаңа ұстанымдарға оң көзқараста.
Бейсен Тәжібаев – «Аманат» партиясы түркістан облыстық филиалының төрағасы:
«Өзгерістер енгізіліп отыр, оның бірі партияда кадрлар дайындау мәселесіне жіті назар аударады. Және халықтың ой пікір ұстанымдарын жинастырып, тиісті мемлекеттік органдар арқылы нақты іске асыру тетіктерін жүзеге асыруға жұмыс істейтін болады. ең бастысы халықпен кері байланыс еселеп арту керек».
Сондай-ақ кезектен тыс 22-съездің дәл бүгін өтуі бекер емес. Мұның символдық мәні бар. 23 жыл бұрын дәл осы күні «Nur Otan» партиясы құрылған еді. Енді 1 наурыз Аманат болып, қайтадан түлеп отыр деді Төраға.
Президент партия жұмысын жаңғыртуды жеделдетуді тапсырды. Оның айтуынша, ел азаматтарының талап-тілектеріне толық жауап беруі үшін партияны жүйелі түрде қайта құру қажет. Сондай-ақ, партия заманауи сын-қатерлерге төтеп беруге және жедел әрекет етуге тиіс.
