«Delta Bank» топ-менеджерлеріне қатысты тергеу аяқталды. Анықталғаны «Forbes» журналына енген олигарх Нұрлан Тілеубаев банктен миллиардтап ақша жымқырған. Қаржы мониторингі Агенттігінің хабарлауынша, 2012-2017 жылдар аралығында Тілеубаев қайтарымсыз кредиттер беру арқылы банктен ақша шығарып отырыпты. Тергеу кезінде оның туыстарына тиесілі 48 миллиард теңгенің мүлкін пайдалануға тиым салынды. Қазір қылмыстық іс сотқа жолданып, айыпталушылар қамауда отыр.
Салтанат Көшербаева — Қаржы мониторингі агенттігі аса маңызды істер жөніндегі тергеушісі:
«Тергеу барысында күдіктілер мен олардың жақын туыстарының жалпы құны 48 миллиард теңгеден асатын мүлкіне, 5 қант зауытына, 20-дан астам жер теліміне, 70 жылжымайтын мүлік объектісіне және 40 көлігін тәркіледі. Сондай-ақ банктің Біріккен Араб Әмірліктерінде, Ресей Федерациясында, Латвия мен Чехияда орналасқан активтеріне де тұсау қойылды. Қазіргі уақытта қылмыстық іс сотқа жіберілді. Іс бойынша айыпталушылар қамауда отыр».
