Түркістан облысында алғашқы алты айда сыбайлас жемқорлыққа қатысты 51 қылмыс тіркелді. Оны жемқорлықпен күрес агенттігі анықтаған. Бұл былтырмен салыстырғанда 3 есе көп дейді мамандар. Бармақ басты көз қысты әрекетке барған мекемелер қатарында полиция, білім беру, денсаулық салалары бар. Мәселен, спортта 47 аға жаттықтырушы істі болып отыр. Сыбайлас жемқорлыққа қарсы күрес және экономикалық тергеу департаментінің қызметкерлері парақорлықты болдырмау мақсатында жаттықтырушылармен түсіндіру жұмыстарын өткізді.
Жемқорлыққа белшесінен батқандар қатарында спорт саласы да бар. Мысалы Бәйдібек аудандық спорт мектебінің басшысы іс-сапар үшін мемлекеттен 1 млн 680 мың теңге алған. Енді оны 30 есе қылып қайтармақ.
Байжан Укшебаев, Түркістан облысы дене шынықтыру және спорт басқармасы басшысының орынбасары:
— Соттың үкімімен Денешынықтыру және спорт басқармасында бұрынғы қызметкері, бұрынғы басшы 2 бөлім басшысы және бір аға жаттықтырушы, ол Саттарханов мектеп-интернатының қызметкері сотталған болатын. Оны бәріңіз біледі деп ойлаймын. Сонымен қатар биыл 27-әуірде Бәйдібек аудандық сотының үкімімен Бәйдібек аудандық №2 спорт мектебінің балалар және жасөспірімдер спорт мектебінің директоры айыппұл салу тәртібімен сотталған болатын. 50 миллионнан астам.
Спортқа бөлінген қаржыны қалай болса солай жұмсағандар қазір темір торда отыр. Қазір 47 маман заң алдында жауап беруде. Құзырлы орган өкілдері бұл өзгелерге сабақ болуы тиіс деген пікірде . Сондықтан саладағы мұндай олқылықтардың алдын алу бойынша жиын өтті. Оған сала басшылары барлық жаттықтырушылар қатысты.
Жанболат Абдрахманов, Түркістан облысы экономикалық тергу департаменті аса маңызды істер жөніндегі жедел уәкілі:
— Түркістан облыстық жоғары спорт шеберлігі мектебі, Түркістан облыстық Әбдісалан Нұрмаханов атындағы олимпиада резерві мамандандырылған балалар спорт мектебі, Бекзат саттарханов атындағы олимпиада резерві балалар спорт мектеп-интернатының колледжі және Түркістан облысының №1 мамандандырылған балалар спорт мектебі, Түркістан су спорты олимпиада резерві мамандандырылған балалар спорт мектебі және Тұран спорт клубының 47 аға жаттықтырушылары қатысты қылмыстық іс тіркелген.
Спорт саласындағы жемқорлық – қоғам дамуына төнген қауіп. Өйткен, бұнда әлеуметтік саясатымыздың негізі жатыр. Ал қызмет бабын пайдаланып ақша алғандар жазасыз қалмайды дейді мамандар.
