Шетелдіктерге ЖСН беруді тоқтатты

Шетелдіктерге жеке сәйкестендіру нөмірін беру қызметі уақытша тоқтатылды. Электронды үкімет порталының мәліметінше, бұл қызмет 2022 жылдың 1 қазанында қайта қосылады. Себебі жүйеде техникалық ақаулар пайда болған. Қызметті алу үшін «Азаматтарға арналған үкімет» «Мемлекеттік корпорациясы» көмегіне жүгінуге болады. Айта кетейік, биыл 24 ақпан мен 17 мамыр аралығында 35 мыңнан аса Ресей және 637 украина азаматы қазақстандық ЖСН-ді алған. Жалпы, ресейліктерге ЖСН банктен шот ашу үшін керек. Себебі, Visa және Mastercard Ресей банктерімен жұмысын тоқтатқан болатын.