Түлектер апатқа ұшырады

Маңғыстауда мектеп түлектері соңғы қоңыраудан кейін апатқа ұшырады. 7 адам түрлі дене жарақатын алған. Жағдайы ауыр екі оқушы аудандық ауруханадан санавиациямен Ақтау қаласына жеткізілді. Дәрігерлердің мәліметінше, қыздың жамбас сүйегі сынған, қазір травматология бөлімінде жатыр. Ал жансақтау бөліміндегі ер баланың басына қан құйылған. Полицейлер жол апатына түскен жас түлектер Маңғыстау ауданындағы Сайөтес ауылының балалары екенін айтады. Көлікті 17 жастағы бозбала тізгіндегені анықталып отыр. Қазір осы дерек бойынша тергеу басталды. Тәртіп сақшылар одан бөлек, Жаңаөзен мен Ақтау қалаларында жол ережелерін бұзған мектеп бітіруші түлектерді іздестіруде. Олар көліктің терезесінен шығып, ленталарын бұлғап тәртіпсіздік жасаған.