Вайнерлерді қамау мерзімі 2 айға ұзарды

Қаржы пирамидасын жарнамалаймын деп басы бәлеге қалған блогерлерді сот 2 айға қамауға шешім шығарды. Вайнерлер Мейіржан Төребаев пен Мейірхан Шерниязовты бұдан алдын сот 10 күнге қамауға шешім шығарған болатын. Тергеу қорытындысы қашан дайын болатыны әзірге белгісіз. Халықаралық іздеуде жүрген үшінші блогер Азимжан Сайдбаевтың қайда екені туралы әзірге нақты ақпарат жоқ. Бас прокурордың орынбасары Әсет Шындалиевтің сөзінше олар жарнамалаған Мудараба Капиталға қатысты 169 адамнан арыз түскен. Ал келтірілген залал мөлшері 2 млрд теңгеге жеткен.