Шымкентте ұрлық көбейді. Үйді тонаушылар үшін қасиетті Рамазан айы қолайлы болған сыңды. Ауыз ашар уақытын пайдаланған олар, бірнеше үйдің мүлкін қолды қылған. Бұл жолы Нұршуақ шағын ауданының тұрғындары шақыртылған ауыз ашарға баруға да қорқып қалдық дейді. Шағымданушылардың сөзінше қасиетті Рамазан айы басталғалы 18 үй тоналған.
Қала шетіндегі Нұршуақ шағын ауданынын үй тұрғызған Жанболат Қалдыбаевтың екі сағаттың ішінде үйін тонап кетіпті. Жылу қазандығын жұлмай, ұқыпты шешіп алған. Ұры алыстан келген жоқ. Күнделікті кешкісін тамақтануға барып- келіп жүргенімді білетін біру дейді.
Жанболат Қалдыбаев — «Нұршуақ» мөлтек ауданының тұрғыны:
«Одан бері бір участковый инспектор келіп покозание алып кетті, басқа ешқандай вздвиг ештеңе жоқ бұл материал бойынша. Менен бөлек көршілердің айтысы бойынша сегіз эпизод болған осы маңайда сол бір түннің ішінде сегіз эпизод, получается жалпы 9 эпизод. Ешқандай ешқайсысынан вздвиг жоқ пока».
Дәл сол түні ұрлық түскен үйдің бірі Жанар Аманованың шаңырағы. Жаңа көшіп келген отбасында 1 млн теңгенің заты қолды болған. Шұғыл шақыртуға келген бір топ полицейден әлі нәтиже жоқ деп ашынады.
Жанар Аманова — «Нұршуақ» мөлтек ауданының тұрғыны:
«Протокол толтырды. Ештеңкені тындырғанда жоқ, еще күйеуіме айтып кеткен олар: «ол табылмайды-ау, жаңа котел алып қоя беріңіздер, ешқандай зацепка жоқ..» деген сияқты әңгімелерді айтып кеткен. Полицияның өзі сол кезде айтып жатырда мысалы пәлен үйде бір түннің ішінде 10-18 үйде котел ұрланыпты дейді. соны өздері айтып тұрады, еще әрекет жасамайды бұлар ешқандайда».
Нұршуақтың тұрғындары былтырдан бері ұрлық өршіп тұрғанын айтады. Бірақ ұсталған ұры, қайтарылып жатқан дүние жоқ екен. Қорқатындары жұмысты да қойған. Үйді қараусыз қалдыруға қорқатын болдық деседі. Орзадада ауыз ашарға кеткен төрт үй қатарынан тоналыпты.
Ерболат Мақаматов — «Нұршуақ» мөлтек ауданының тұрғыны:
«Күнделікті ұры көбейіп кетті қазір ауылымызда. Ұры ұсталмағаннан кейін, нәтиже жоқ ешқандай. Ұрылар білгенін істеп жатыр».
Ұрылар алтын бұйымдар, бағалы заттармен қоса тұрмыстық техника, тіпті азық-түлікке дейін қолды етуде. Мезі болғандар учаскелік инспекторымызды танымаймыз десті.
Құрал Тұнаев – «Нұршуақ» мөлтек ауданының тұрғыны:
«Әр жиналыста шақырмыз участковыйды, әртүрлі участковый келеді «мен жаңадан келдім, мен кеше келдім, мен ана жақтан ауысып келдім».
Полиция департаментіндегілер нұршуақтықтардың арызынан хабардар. Жыл басынан бері бұл шағынауданнан алты үй ұрлығы тіркеліпті. Ұрыларды іздестіру жұмыстарының нәтиежесінде соның біреуі ашылыпты.
Салтанат Қаракөзова- Шымкент қаласы Полиция Департаментінің ресми өкілі:
«Қазіргі таңда Полиция департаменті бастығының бұйрығымен, генерал Дәлбековтің арнайы жедел тергеу тобы құрылды. осы жедел тергеу тобы 15 адамнан құрылған. Барлығы криминалдық полиция басқармасының тәжірибелі мамандары, солар осы қылмысты ашуға бағытталған бірәз жұмыс, ауқымды жұмыс атқарпып жатыр. Бұл жұмыс нәтижелі болады деген үміттеміз».
Мегаполис полиция департаменті мамандарының айтуынша учаскелік инспекторлар тапшы екен. Мәселенің қашан шешілері белгісіз. Сондықтан жұрт әзірге есік терезесін бекітіп, бейнебақылау камераларын орнатып, сақтанып жүрулеріне тура келетін секілді.
