Нұр-сұлтан қаласындағы ерекше балаларға арналған балабақшада тәрбиешілер бүлдіршіндерді ұрып-соққан. Көптің ашу-ызасын тудырған видео әлеуметтік желіде таралды.
Бейнежазбада тәрбиешілер балаларды еденде сүйреп, басынан ұрып жатқаны көрінеді. Сәбилердің көрген қорлығын Инстаграм парақшасына Гаухар есімді келіншек жариялаған. Оның айтуынша, бұған дейін басшылыққа осындай былықтар жайлы сан рет айтылғанымен, ешқандай шара қолданылмаған екен. Тәрбиешілер былапыт сөздер айтып, бүлдіршіндердің тамақтану тәртібіне де көңіл бөлмейтін көрінеді. Қазір қалалық полиция департаменті аталған жағдай бойынша тергеу жұмыстарының басталғанын мәлімдеді.
