Түркістан облысындағы республикалық маңызы бар автомобиль жолдарының жалпы ұзындығы — 723,1 шақырым. Сол жолдардың бойында 128 көпір мен 997 құбыр бар.
Көктемгі су тасқындарына тосқауыл болу үшін «Жол активтерінің ұлттық сапа орталығы» Ұлттық мемлекеттік қазыналық кәсіпорнының Түркістан облысы бойынша филиалы сол көпірлерге, су өткізгіш құбырларға және тазарту жұмыстарына мониторинг жүргізді.
Орталық мамандары наурыз айында 12 рет тексеруге шығып, 662 шағын жасанды құрылыстарды бақылады. Анықталған кемшіліктер мен ескертулерді жою туралы мердігерлерге хат жолданды. Айта кетейік, Түркістан облысы бойынша республикалық маңызы бар автомобиль жолдарын күтіп ұстауға 3 мердігер мекеме жұмылдырылған.
