Ресей мен Беларусь құрамасы паралимпиада ойындарынан шеттетілді

Бейжіңдегі қысқы паралимпиада ойындарынан Ресей және Беларусь спортшылары шеттетілді. Халықаралық Паралимпиада Комитетінің мәліметінше, спортшылардың басым көпшілігі ресейлік және беларусьтік спортшылармен бақ сынасудан бас тартуда. Оның үстіне олимпиада ауылында да шиеленістік жағдайлар туындай бастаған. Бұған дейін екі ел спортшыларын өз туынсыз ойындарға қатыстыру туралы шешім қабылданған еді. Алайда, Ресей паралимпиада комитеті құрылымда немесе спортшылар арасында ешкімнің саясатқа қатысы жоқ екенін айтып наразылығын білдірді.
Эндрю Парсонс – Халықаралық паралимпиадалық комитетінің президенті:
«Біз осындай шешім қабылдауға мәжбүр болдық. Кінішті, әрине, Бірақ, сіздердің мемлекеттеріңіздің басшылары агрессиялық қадамға барды. Осылайша, олар, паралимпиадалық бейбітшілік қағидасын бұзды».