Украина Президенті Зеленскийдің Еуропалық конгресте сөйлеген сөзінен соң парламент мүшелері аталған елдің туын, осылай бір минут қол шапалақтады. Олар спикердің Еуроодақ қатарына қосылу бастамасын қолдайтындығын, мәселені шұғыл түрде қарайтынын жеткізі. Ал, Ресейдің Сыртқы істер министрі Сергей Лавров сөзін бастаған жиынға қатысушылардың басым бөлігі залды шығып кетті.
Одан бөлек Біріккен Ұлттар ұйымының жиынында да осы тәріздес жағдай болды. Ыңғайсыз жағдайға қалған тағы да Лавров. Бұл жолы телеарналар оны көгілдір экраннан көрсетпеуді шешкен. Еуропа елдері тағы да федерация өкілінің сөзін тыңдауға құлықсыз болды. Ал, АҚШ Президенті Джо Байден санциялардың күшейе түсетінін мәлімдеді. Енді Ақ Үй басшысы Путинге ғана емес, онымен одақтасқан миллиардерлердің бүкіл мүлкін тәркілейтінін айтты.
Джо Байден – АҚШ президенті:
«АҚШ Әділет Министрлігі арнайы жұмыс тобын құрады. Ол Ресейлік олигархтардың қылмысын тергеу бойынша жұмыс істейді. Еуропалық әріптестермен бірлесе отырып, миллиардерлердің яхталарын, жеке ұшақтарын, зәулім сарайларын тәркілейді. Сонымен қатар, Еуропа елдерінің қадамдарын қайталай отыра, өз әуе кеңістігімізді Ресей ұшақтары үшін жабамыз. Ресей экономикасын күйретіп, сауда-саттық жүргізе алмайтындай қыламыз».
Борис Джонсон болса, Украина әуе кеңістігін жабу мүмкін еместігін жеткізді.
Борис Джонсон – Ұлыбритания премьер-министрі:
«Украина әуе кеңістігін жаба алмаймыз. Себебі, ондай шара қабылдаған жағдайда біз Ресей ұшақтарын атып түсіруге мәжбүр боламыз. Ал, үшінші дүниежүзілік соғысты ешкім қаламайды. Бірақ, осы қабылданған санкциялардың өзі Путин режиміне ауыр соққы болатынына көз жеткіздік».
Сонымен қатар, Байден да, Джонсон да Зеленский мен Украина халқының ерлігіне тәнті болғандарын жеткізді. Себебі, демократиялық әлемнің авторитарлық елге жасаған соққысы өзге елдерге үміт сыйлайды.
