Қызылордада 2,5 жастағы сәбиді кәріз құдығынан алып шыққан 15 жастағы жасөспірімге облыс орталығынан екі бөлмелі пәтер берілді, деп хабарлайды turkistanzaman ҚазАқпарат сайтына сілтеме жасап.
Өткен аптада қала орталығындағы «Универсам» шағын ауданында оқыс оқиға болды. екі жарым жастағы сәби ашық тұрған кәріз құдығына түсіп кеткен. Аралдан колледжге оқуға түсуге келген 15 жастағы Арман Аманжолов баланы құдықтан алып шықты.
Бүгін облыс әкімі Нұрлыбек Нәлібаев педагогтардың тамыз кеңесінде мұқалмас ерік-жігерімен, табанды тәуекелге барған аралдық Арманға демеушілер көмегімен алынған пәтер кілтін табыс етті.
