Путиннің досы ұсталды. Олигарх, Украинадағы оппозициялық Ресейді қолдайтын Партия басшысы Виктор Медведчук ескери форма киіп алып, Украинадан қашып шықпақ болған жерінде Украина Қауіпсіздік Қызметі құрықтады. Оған Ресей пайдасына тыңшылық жасап, Мемлекетке опасыздық жасады деген айып тағылды. Медведчуктің «Оппозициялық платформа – өмір үшін» партиясына Украина ішіне іріткі салу үшін Путиннің қолдау көрсеткені белгілі. Одан бөлек, Ресей басшысы Медведчуктің кіші қызының өгей әкесі. Украиналық олигарх соғыс басталмай тұрып, үйқамақта болған. Алайда, қарулы қақтығыс бастала сала, қашып кеткен. Владимир Зеленский болса, Ресейге Медведчукті украиналық тұтқындарға айырбастауға ұсыныс жасады.
Владимир Зеленский – Украина президенті:
«Медведчуктің ғарышкерлер күні қолға түскенінің өзі қызық. Ол 48 күн тығылып, біздің елімізден қашып кетуге тырысты. Бірақ оның ойы іске асқан жоқ. Медведчук өзіне әскери форма таңдаса солай-ақ болсын. Енді ол әскери жағдай тәртібі бойынша жазаға тартылады. Бірақ, Ресей билігі өзінің арсыз тыңшысын біздің азаматтарға айырбастап ала алады».
