Әлия Назарбаева қызметінен кетті

Әлия Назарбаева Қазақстанның экологиялық ұйымдары қауымдастығы президиумының басшысы қызметінен кетті. Ақпаратты қауымдастықтың атқарушы директоры Илья Сухоносенко растады. Айтуынша, Назарбаева аталған лауазымды өз қалауы бойынша тоқтатқан. Айта кетері, Қазақстанның экологтарын біріктіретін қауымдастық 2017 жылы құрылды. Оған Нұрсұлтан Назарбаевтың кенже қызы құрылған сәттен бастап жетекшілік етті. Ұйым қоршаған ортаны қорғау бойынша бастамаларға қолдау көрсетіп, халықаралық байланыстарды арттыру мақсатында құрылған.