Құжатты өзіңмен бірге алып жүрудің қажеті жоқ

Бұдан былай құжатты өзіңізбен бірге алып жүрудің қажеті жоқ. Яғни құжаттардың цифрлық нұсқасы мобильді қосымшаларға шығарылды. Бұл туралы Цифрлық даму, инновациялар және аэроғарыш өнеркәсібі министрі Бағдат Мусин әлеуметтік желіде жазды. Оның сөзінше жаңашылдық Kaspi.kz және Homebank қосымшаларына енгізілген. Цифрлық құжатта жеке куәлік, вакцинация паспорты мен жүргізуші куәлігі бар. Тіпті, одан өзге неке куәлігін де онлайн көруге мүмкіндік бар. Бүгінгі таңда цифрлық сервисті 10 миллион қазақстандық тұрақты түрде қолданады.