Түркістан облысы Жетісай ауданында қарбыз пісті. Жемісті ауылының шаруалары 1 гектар алқаптан 25 тонна өнімді Ресейге экспорттауға дайын. Дихан әсіресе тамшылатып суғару технологиясының тиімді болғанын айтады. Бір жағынан қолдың күші қажет емес. Екіншіден тыңайтқыш аз кетеді. Айта кетейік, биыл Жетісай ауданы бойынша 17 мың гектарға бақша дақылдары егілген. «Бір алқаптан 2-3 өнім алу» жобасы бойынша 1100 гектар аумақта 236 жоба іске асып жатыр.
Атымтай Омаров – диқан:
«Қарбыздың 60-65 күнде пісетін «Долбый» атты сортын сәуір айында ектік. Қазір бағасын келіссек, 25 тоннадан астам қарбызды үзейін деп жатырмыз. Бұған дейін келісіне 210 теңге ұсынып кетті, бұл бағадан 20-30 теңгеге жоғарылау бағаны көздеп отырмын».
