Шымкентте жігітті әскерге күшпен «алып кеткен» полицейлердің видеосы тарады

Шымкентте жас жігітті әскерге күшпен алып кеткен. Әлеуметтік желіге таралған видеода тәртіп сақшылар азаматты көлікке күшпен салғанын байқауға болады. Жиналғандар араша түскенмен полицейлер ырық бермеген. Ал қорғаныс министрлігінің мәліметінше, сол күні әскерге шақыртудан жалтарған азаматтарға іздестіру жүргізілген екен. Нәтижесінде 6 адам комиссариатқа күшпен жеткізілген. Министрлік ата-аналар мен әскерге шақырылғандар тарапынан қорғаныс бөліміне шағым түспегенін айтты.