Түркістан облысында жоғалып кеткен 4 адам құтқарылды

Түркістанда тауда жоғалған 4 азамат табылды. Сусіңген көлінен саяхаттап шыққан төртеу «Алтын — дән» демалыс базасына бет алған. Алайда қалың тұманнан адасып кеткен. 4 адамның жоғалғаны туралы хабар төтенше жағдайлар департаментіне кеше түнде түскен. Оларды іздеуге 17 құтқарушы, 4 полиция қызметкері мен 1 кинолог дереу кіріскен. Одан бөлек, «Сайрам-Өгем» ұлттық паркінің 5 қызметкері мен 2 техникасы бар. Жоғалған адамдар бүгін түнгі екіде Құлыншақты ауылынан 10 шақырым жердегі Науытсай шатқалынан табылды. Саяхатшылар медициналық көмекті қажет етпеді, туыстарына аман-есен оралды. Осы орайда құтқарушылар таулы аймақтың қауіпті екенін ескертеді.