Түркістан облысындағы бірқатар медициналық мекемелерге 32 млн. теңге айыппұл салынды

Түркістан облысында санитариялық-эпидемиологиялық талаптарды сақтамаған медициналық мекемелерге айыппұл салынды. Тексеру нәтижесінде 623 жеке және заңды тұлғадан 32 млн теңге өндірілмек. Сондай-ақ, кемшіліктерді жою туралы 20 санитарлық ұйғарым беріліп, 7 материал сотқа өткен. Айта кетейік, Түркістан облысының санитариялық-эпидемиологиялық бақылау департаментінің қадағалауында 1 752 медициналық ұйым бар. Оның 123-і стоматологиялық клиника мен кабинет.