Қазақстандық боксшы Сәкен Бибосыновтың 2022 жылы Амманда (Иордания) өтетін Азия чемпионатындағы алғашқы қарсыласы анықталды, деп хабарлайды Stan.kz.
51 келіге дейінгі салмақта 1/8 финалда Бибосынов алдын ала жекпе-жегінде Қырғызстан өкілі Нұржігіт Дюшебаевты жеңген үнді боксшысы Спарш Кумармен кездеседі. Жекпе-жек сәрсенбі, 2 қараша күні өтеді.
Айта кетейік, Сәкен Бибосынов өз салмағында «алтынға» басты үміткер – ол турнирге бірінші нөмірмен түскен болатын. Әуесқойлық мансабындағы басты жетістіктеріне келсек, ол қазіргі әлем чемпионы, Токио Олимпиадасының қола жүлдегері.
