Шорнақтық тұрғындардың бұлай ашынбасқа амалы жоқ. Өйткені, үш бірдей ауыл тұрғындарына деп бөлінген жердің көлемі бар жоғы 3 мың гектар. Ал, Заң бойынша кемінде 10 мың гектар болуы тиіс. Елді мекен жұртына тиесілі қалған 6 мың гектар алқапты бай-бағландар иемденіп алыпты. Кәсіпкерлер онда түрлі зауыт салып қоршап тастаған.
Ауыл тұрғыны:
«Сөздің ашығын айту керек. Біреулер келіп 500 гектар, 600 гектарлап аударып алды. Оның несін жасыра береміз. 05.40 Мына жақтан да 500 гектар жерді біреу алған. Бұлар Кентаудың, Түркістанның кезінде алып алған. Жарық , суын тартып кәсіп істеймін деген 7 8 азамат бар. Проблема Қызыләскер мен Ашада. Сол шаруалардан проход алу керек».
Абай Бабашев – ауыл тұрғыны:
«Айтқанның аузы жаман, жылағанның көзі жаман дейді. Мына халық жауынның астында бекерден бекер жүрген жоқ. Барлық ауыртпашылық кедейлерге тиіп жатыр. Мына жердегі карьерларды қоршап алған. Жақындай алмайсың».
Тұрғындардың мазасын қашырған мәселенің шешілуіне бір ақ қадам қалып тұр дейді жауаптылар. Ол үшін аудан көлемінде қоғамдастық құрылуы керек екен. Яғни, Шорнақта 13 мың тұрғын болса арасынан 13 адам белсенділік танытып, жайылым жерді даулауына мүмкіндік бар.
Шохан Алиханов – Аудандық ауылшаруашылық жер қатынастары бөлімінің басшысы:
«Шорнақ ауыл округіне қарайтын 3 мың гектар жер бар. Госактісі де бар. Енді 9 мың гектар жерді анықтап отырмыз. Қоғамдыстық хаттамасы шыққан жағдайда 9 мың гектар жерді қайтарып аламыз».
Бір қадам қалды деген процестің өзі бүгін-ертең бітетін іс емес секілді. Барлық құжаттарды рәсімдеуге кемінде 3 ай уақыт кетеді екен. Айта кетейік, Шорнақ ауыл округіне балансында қазір ауылшаруашылығы мақсатындағы 25 мың гектар жер бар.
