Лауазымды тұлғалар парамен ұсталды

Биыл бір вице-министр, 2 судья, 3 генерал жемқорлық фактісімен ұсталған. Бұл туралы бүгін президент қабылдауында болған Сыбайлас жемқорлыққа қарсы іс-қимыла агенттігінің төрағасы Олжас Бектенов мәлім етті. 5 айдық өзінде 1000-нан астам қылмыстық іс тіркелген. 600-ден астам лауазымды тұлғаның жемқорлығы әшкереленген. Олардың 110-ы – әртүрлі деңгейдегі басшылар. Нәтижесінде жыл басынан бері ел бюджетіне 220 миллиард теңгеден астам қаржы қайтарылған. Сонымен қатар «Атамекен» Ұлттық кәсіпкерлер палатасымен бірлесіп, мемлекеттік органдардың бизнеске заңсыз араласу фактілеріне жедел назар аударатын жұмыс тобы құрылды.