Конституциядан Тұңғыш Президент туралы норма түбегейлі алып тасталады

Тұңғыш Президенттің мәртебесін заңмен бекітуді немесе Ата Заңнан алып тастауды алдағы референдумда халық шешеді. Мәжіліс депутаттары «Республикалық референдум туралы» заңға Сенат енгізген толықтырулармен келісті. Бүгін Сенат «Республикалық референдум туралы» Заңнан Елбасы туралы норманы алып тастап, толықтыруларды Мәжіліске қайтарған болатын. Мәжіліс отырысына қатысқан 96 депутаттың барлығы аталған өзгерістерге қолдау білдірді. Енді Тұңғыш Президент туралы нормалар халықтың дауысына салынады. Демек, алдағы жалпыхалықтық референдумда халық Тұңғыш Президенттің мәртебесіне қатысты нормаларды Ата Заңнан алып тастауды қолдап, дауыс берсе, ол Конституциядан алынып тасталады. Жақтап дауыс берсе, Ата Заңда қалады.