Кентаулық Тұрар Омаровты жерлестері нағыз волонтер деп біледі. Себебі, жас ұстаз ерікті түрде көптеген игі істердің жүзеге асуына ұйытқы болған жан. Әсіресе, оның есімі көпшілікке ең ұзын Конституция кітабын жасаған сәтте кеңінен танымал болды, деп хабарлайды turkistanzaman ҚазАқпарат сайтына сілтеме жасап.
Тұрар Мәдениетұлы 2014 жылы ҚР Конституциясы күніне орай ең ұзын Конституция кітабын жасап шықты. Ұзындығы 200 метр, ені 80 сантиметр болатын кітап Шымкенттегі баспаханада басылды.
«Тек баспадан басып шығарудың өзіне 12 сағат уақыт кетті. Оның жиектерін жабыстыруға 10 күндей уақыт жұмсадым. Қазақ және орыс тілдерінде жасалған кітап 200 парақ болды. Бірде-бір қатесі жоқ. Кейін кітапты Кентаудағы Тәуелсіздік аллеясында арнайы жайып, тұрғындардың назарына ұсындым», – дейді ол.
