Интернет алаяқтық 10 есе өсті: Бас прокуратура ескерту жасады

Интернет алаяқтық 10 есе өсті. Құзырлы органдарға 5 жыл бұрын 2 мың адамнан шағым келсе, өткен жылы алдандым деп 21 мың азамат арызданған. Бас прокуратура осындай қылмыстарды азайту үшін цифрлық технологияларды енгізбек. Ол үшін ІТ-бағдарламалар мен қосымшаларды әзірлеуді көздейтін арнайы Жол картасын әзірлеген. Сонымен қатар, Қаржы нарығын реттеу және дамыту агенттігімен бірге заңсыз онлайн несиелер бойынша ақпарат алмасу туралы Меморандум жасалған. Қазіргі таңда онлайн алаяқтық бойынша 800-ден аса іс сотқа жолданған.