Зейнеткерді тірідей өртеп жіберді

Түркістан облысының тұрғыны зейнеткерді тірідей өртеп жіберді. Жантүршігерлік оқиға Сайрам ауданында болды. Бейресми деректерге сүйенсек, азаматтың мұндай қатыгездікке баруына екі ер адамның арасындағы жанжал себеп болған. Төбелесіп, таяқ жеген ер адам ашуланып, өшін алу үшін бензин алып келген. Терезені сындырып, аулада айқайға басқан. Сол сәтте үйден қарсыласының әйелі аулаға шыққан. Ішімдік ішкен ер адам оған бензин шашып, өртеп жіберген. Жедел іздестіру шаралары барысында екі күдікті де ұсталған.