Шымкенттегі Достық елдімекенінің тұрғындары емханасыз қалуы мүмкін. Жағдай әсіресе осында қоныстанғандарға қиын соқпақ. Олар енді қайда барып ем-дом қабылдарын білмей, дал болып жүр. Өйткені осы күнге дейін 15 мыңға жуық тұрғынға қызмет көрсетіп келген медициналық мекеме шалғай аумаққа көшірілетін болыпты.
Елді мекендегі жалғыз емхананы жұрттан тартып алудың астарында өзге жеке меншік компанияның мүддесі бар деп топшылайды жұрт. Әйтпесе, алдына бір емес, бірнеше рет барған билік өкілдері қалың қауымды бұлай сандалтуға шешім қабылдамас еді деп отыр. Өйткені онда тура апаратын қоғамдық көлік те жоқ екен.
Жұмагүл Үсенбекова, қала тұрғыны:
Біз тыныш отырған халықпыз. Неге отырған жерімізде түрткілектеп тиісіп, тұрғызады, оятады. Жетісіп жүрміз бе? Бұл әкімдер келіп, «әп» деп тонап, жеп кеткенге келеді ма халықты.
Сайдынгүл Асан, қала тұрғыны:
Төлеметоваға мыналар бара алмайды ғой. Үйінде отырып өліп қалса Әйтенов жауап береді ма? Әйтеновтың мұрты да қисаймайды. Айтып отырғаны анау, мен ондай адамдардың тұратынын білмейді екенмін деп. Қанша халық болып бардық алдына. Жауап па осы? Әкімнің алаңына шығамыз. Бір-бір баклажка бензин аламыз. Жоқ десе, сол жерде өртенеміз.
Емхана жабылсын дегенді естігенде мекеме ұжымының да басына жай түскендей болыпты. Ондағы қызметкерлер де жұмыссыз қалуы мүмкін.
Қайрат Серікұлы, емхана директоры:
15 мыңға жуық тұрғын бар. Оның 50 пайызға жуығы мүгедектер және әлеуметтік аз қамтылған отбасылар. Достық шағынауданының тұрғынадары талабымен медициналық қызмет көрсетіп жалғастырып келеміз. Бұл кісілерге орталық мекемеге жету әрине қиын соғады.
Жауаптылардың айтуынша, осыдан үш ай бұрын өзге медициналық мекеме ғимаратты пайдалану құқығын тендер арқылы иеленіп алған. Бірақ оның елді мекендегі тұрғындарға қызмет көрсетуге әзірге рұқсаты жоқ екен. Ал мәселе оң шешілмесе Достықтағы қалың көпшілік өздеріне қол саламыз деп отыр.
