БҚО-да тасқыннан келген шығын 1 млрд 600 млн теңгеге бағаланды

Ал Батыс Қазақстан облысында көктемгі тасқын салдарынан 1,6 млрд теңге шығын келген. Бұл туралы төтенше жағдайлар жөніндегі аймақтық кеңес отырысында айтылды. Мәселен, зақымданған 79 үйдің жартысына жуығы тұруға жарамсыз. Сол себепті Жақсыбай мен Шалғын ауылдарында жаңа баспана салу ұсынылды. Құрылысқа 555 млн теңге қажет. Ал жөндеуді талап ететін 31 үй бойынша жалпы мөлшері 47 млн теңге өтемақы төленбек. 191 бас мал шығыны жомарт жандар есебінен өтеліп жатыр. Сонымен қатар облыстық және аудандық маңызы бар автожолдардың қираған 24 учаскесі қалпына келтірілмек.