Шымкент қаласы полиция департаментінің баспасөз хатшысы суицид жасады. Апта бұрын ғана ютуб желісінде Мөлдір Бекеева былапыт сөз айтты деген тақырыппен аудиожазба тараған еді. Осыдан кейін жұмыстан кететін туралы өтініш жазған ол ауруханаға ауыр жағдайда жеткізілді.
Полиция департаментінің баспасөз хатшысы бүгін түнгі бір жарымда жансақтау бөліміне жатқызылды. Өз-өзіне қол жұмсаған Мөлдір Бекеева әлеуметтік желіде қоштасу хатын да қалдырған. Қысымға шыдай алмадым деген қызметкер бұған департамент басшысылығын кінәлапты.
Әлеуметтік желіден: Мөлдір Бекеева — Шымкент қаласы ПД баспасөз хатшысы:
«2 айдың ішінде қу биліктің құлқыны мен қызметтен қуу үшін маған қандай қысым көрсетілмеді?! Бірақ, жаңа келген басшылық қызмет орным үшін соншалықты қастандыққа, қиянатқа барады деп ойламадым».
Суицид жасаған баспасөз хатшысы әлі есін жиған жоқ. Алдын ала болжам бойынша ол көп мөлшерде дәрі ішкен болуы мүмкін.
Шымкент қаласы денсаулық сақтау басқармасы:
«Түскен жағдайы ауыр, команың 1-дәрежесі. Қазір науқас реанимацияда ем қабылдауда. Жағдайы тұрақты ауыр. Алдын-ала болжам бойынша пациент суицид жасау мақсатында көп мөлшерде дәрілік преппараттар ішкен болуы мүмкін».
Қазір Мөлдір Бекееваның өз-өзіне қол салуына қатысты тергеу жұмыстары басталды. Полиция департаменті оның жұмыстан кеткенін жоққа шығарды.
Данияр Ундербаев — Шымкент қаласы ПД кадрлық саясат басқармасының бастығы:
Еске салайық, апта бұрын ғана ютуб желісінде Мөлдір Бекеева бейпіл сөз айтты деген тақырыппен аудиожазба тараған еді. Қазір бұл іске қатысты да билік өкілін қорлау бабы бойынша қылмыстық іс тіркелген
