Алматыда ұрланған қару-жарақтар тәркіленді

Алматыдағы тәртіпсіздіктер кезінде қару-жарақ дүкендерінен ұрланған суық қарудың ірі партиясы табылды. Күдікті ретінде Алматы әуежайындағы бүлікке қатысқан Өзбекстанның 23 жастағы азаматы ұсталды. Оның тұрғылықты жерінен 2 пышақ пен 1 пневматикалық тапанша тәркіленді. Сондай-ақ полицейлер оның 43 жастағы сыбайласын анықтап, ұстады. Тінту барысында пневматикалық қарудың 19 бірлігі мен оларға арналған патрондар, 10 пышақ, 1 арбалет, 6 оптикалық көзілдірік және 3 оптикалық құрылғы айғақты зат ретінде алынды. Қазіргі таңда сотқа дейінгі тергеу амалдары жүргізілуде.